2015 جىلعى 28 مامىر, استانا قالاسى
«قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتى» مەملەكەتتىك مەكەمەسىنىڭ ەرەجەسىن بەكىتۋ تۋرالى» قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2014 جىلعى 14 قازانداعى №62 بۇيرىعىنا وزگەرىستەر مەن تولىقتىرۋلار ەنگىزۋ تۋرالى
«نورماتيۆتiك قۇقىقتىق اكتiلەر تۋرالى» 1998 جىلعى 24 ناۋرىزداعى N 213 قازاقستان رەسپۋبليكاسى زاڭىنىڭ 29-بابى 1 – تارماعىنىڭ 6) تارماقشاسىنا جانە «قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ كەيبىر ماسەلەلەرى» قازاقستان رەسپۋبليكاسى ۇكىمەتىنىڭ 2014 جىلعى 19 قىركۇيەكتەگى № 995 قاۋلىسىنا سايكەس بۇيىرامىن:
1. «قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتى» مەملەكەتتىك مەكەمەسىنىڭ ەرەجەسىن بەكىتۋ تۋرالى» قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2014 جىلعى 14 قازانداعى № 62 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9808 بولىپ تىركەلگەن, گازەتىنە 2014 جىلعى 22 قازانداعى № 206 (27827) «كازاحستانسكايا پراۆدا» گازەتىنە جاريالانعان) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن بۇيرىقپەن بەكىتىلگەن «قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتى» مەملەكەتتىك مەكەمەسىنىڭ ەرەجەسىنە:
13 – تارماق جانا رەداكتسيادا جازىلسىن:
«13. مىندەتى: بايلانىس, پوشتا سالاسىنداعى مەملەكەتتىك ساياساتتى ىسكە اسىرۋ, بايلانىس, پوشتا سالاسىنداعى قىزمەتتەردى ۇسىناتىن نەمەسە ولاردى پايدالاناتىن ادامداردىڭ قىزمەتىن مەملەكەتتىك باقىلاۋ, ۇيلەستىرۋ جانە رەتتەۋ;
فۋنكتسيالارى:
1) بايلانىس سالاسىنداعى ۇلتتىق رەسۋرستاردى ءبولۋ جانە پايدالانۋ;
2) راديوجيىلىك سپەكترىن جوسپارلاۋ جانە ءتيىمدى پايدالانۋ;
3) بايلانىس, اقپاراتتاندىرۋ جانە اقپارات سالاسىنداعى ءوز قۇزىرەتى شەگىندە نورماتيۆتىك قۇقىقتىق اكتىلەردى ازىرلەۋ, كەلىسۋ جانە بەكىتۋ;
4) راديوباقىلاۋدى جۇزەگە اسىرۋ جانە بايلانىس سالاسىنداعى قىزمەتتى جۇزەگە اسىراتىن جەكە جانە زاڭدى تۇلعالاردىڭ راديوجيىلىك سپەكترىن پايدالانۋىنا جانە بايلانىس وپەراتورلارىنىڭ بايلانىس سالاسىندا قىزمەتتەر كورسەتۋدى جۇزەگە اسىراتىن سۋبەكتىلەرگە قويىلاتىن بىلىكتىلىك تالاپتارىن جانە بايلانىس قىزمەتتەرىن كورسەتۋ قاعيدالارىن ساقتاۋىن تەكسەرۋدى جۇرگىزۋ;
5) راديوباقىلاۋدى, بايلانىس سالاسىنداعى قىزمەتتى جۇزەگە اسىراتىن جەكە جانە زاڭدى تۇلعالاردىڭ راديوجيىلىك سپەكترىن پايدالانۋىن جانە بايلانىس قىزمەتتەرىن كورسەتەتىن ليتسەنزياتتاردىڭ ليتسەنزيا تالاپتارىن ساقتاۋىن تەكسەرۋدى جۇرگىزۋگە قاتىستى قۇجاتتاردىڭ (حاتتامالاردىڭ, ۇيعارىمداردىڭ, تەكسەرۋ تاعايىنداۋ تۋرالى اكتىلەردىڭ) نىساندارىن ازىرلەۋ;
6) ازاماتتىق پايدالانۋشىلارعا راديوجيىلىك سپەكترىن پايدالانۋعا رۇقساتتاردى ءبولۋ, يەلىككە بەرۋ, شاقىرۋ سيگنالىن يەلىككە بەرۋدى قوسا العاندا, كەمە ستانتسياسىنا رۇقساتتار بەرۋ;
7) ارناۋلى ماقساتتاعى تەلەكوممۋنيكاتسيا جەلىلەرىنىڭ وبەكتىلەرىن قوسپاعاندا, بايلانىس سالاسىنداعى قىزمەتتى جۇزەگە اسىراتىن جانە راديوجيىلىك سپەكترىن پايدالاناتىن شارۋاشىلىق جۇرگىزۋشى سۋبەكتىلەرىن بايلانىس وبەكتىلەرىنە بەلگىلەنگەن تارتىپپەن تەكسەرۋ جۇرگىزۋ ءۇشىن ءتيىستى ۇلگىدە رەسىمدەلگەن تەحنيكالىق تاپسىرمانى جانە قىزمەتتىك كۋالىكتى كورسەتۋ ارقىلى كىرۋ;
8) پايدالانۋ قۇقىعىنا رۇقساتى بولماعان جانە (نەمەسە) تەحنيكالىق سيپاتتامالارى بەلگىلەنگەن نورمالارعا سايكەس كەلمەگەن جاعدايدا راديوەلەكتروندىق قۇرالدار مەن جوعارى جيىلىكتى قۇرىلعىلاردى ءوشىرۋ;
9) ادامداردىڭ ءومىرى مەن دەنساۋلىعىنا, قورشاعان ورتاعا نەمەسە تىرشىلىكتى قامتاماسىز ەتۋ جۇيەلەرىنىڭ قالىپتى جۇمىس ىستەۋىنە قاۋىپ توندىرەتىن بايلانىس جەلىلەرى تەحنولوگيالىق جابدىعىن پايدالانۋ, ەڭبەكتى قورعاۋ جانە قاۋىپسىزدىك تەحنيكاسى قاعيدالارىن بۇزۋ انىقتالعان كەزدە قازاقستان رەسپۋبليكاسىنىڭ زاڭناماسىنا سايكەس جەكەلەگەن بايلانىس قۇرالدارىنىڭ نەمەسە بايلانىس جەلىلەرىنىڭ جۇمىسىنداعى بۇزۋشىلىقتاردى جويۋ تۋرالى ۇيعارىمدار جىبەرۋ;
10) ۇلتتىق رەسۋرستاردىڭ جانە بايلانىس وپەراتورلارىنىڭ تىزىمدەرىنن جۇرگىزۋ;
11) يمپورتتان وزگەشە جاعدايلاردا, ازاماتتىق ماقساتتاعى, ونىڭ ىشىندە باسقا تاۋارلاردىڭ قۇرامىنا كىرىستىرىلگەن نە كىرەتىن راديوەلەكتروندىق قۇرالدار مەن جوعارى جيىلىكتى قۇرىلعىلاردى قازاقستان رەسپۋبليكاسىنىڭ اۋماعىنا اكەلۋگە قورىتىندىلار بەرۋ;
12) بولىنەتىن جيىلىك جولاقتارىن, راديوجيىلىكتەردى (راديوجيىلىك ارنالارىن) تەحنيكالىق ساراپتاۋ جونىندەگى جۇمىستاردى ۇيىمداستىرۋ;
13) راديواۋەسقويلىق قىزمەتتەردىڭ راديوەلەكتروندىق قۇرالدارى مەن جوعارى جيىلىكتى قۇرىلعىلارىن قوسا العاندا, راديوجيىلىك سپەكترىن پايدالانۋعا, قازاقستان رەسپۋبليكاسىنىڭ اۋماعىندا ازاماتتىق ماقساتتاعى راديوەلەكتروندىق قۇرالدار مەن جوعارى جيىلىكتى قۇرىلعىلاردى ىسكە قوسۋعا رۇقساتتار بەرۋ;
14) راديوەلەكتروندىق قۇرالدار مەن جوعارى جيىلىكتى قۇرىلعىلار بەلگىلەنگەن ستاندارتتار مەن تەحنيكالىق نورمالارعا سايكەس كەلمەگەن, ازاماتتاردىڭ قاۋىپسىزدىگىنە, قورشاعان ورتاعا قاۋىپ توندىرگەن جاعدايدا, سونداي-اق اسا ماڭىزدى جۇمىستار مەن ءىس-شارالاردى ورىنداعان كەزدە ولاردى پايدالانۋدى قازاقستان رەسپۋبليكاسىنىڭ زاڭدارىنا سايكەس توقتاتا تۇرۋ;
15) جيىلىكتەر بەلدەۋلەرىن, راديوجيىلىكتەردى (راديوجيىلىك ارنالارىن) يەلىككە بەرۋدى جۇزەگە اسىرۋ;
16) نومىرلەۋدىڭ بولىنگەن جانە رەزەرۆتىك رەسۋرستارىنىڭ ءتىزىلىمىن جۇرگىزۋ;
17) بايلانىس قىزمەتتەرiن كورسەتۋ قاعيدالارىن ازىرلەۋ;
18) راديوەلەكتروندىق قۇرالدارعا, ونىڭ ىشىندە حالىقارالىق ۇيىمدار مەن شەت مەملەكەتتەردىڭ حالىقارالىق شارتتارعا سايكەس جۇمىس ىستەيتىن راديوەلەكتروندىق قۇرالدارىنا راديوبوگەۋىلدەردى جويۋ جونىندەگى ءىس-شارالاردى ۇيىمداستىرۋ;
19) ازاماتتىق ماقساتتاعى يەلىككە بەرىلگەن راديوجيiلiكتەر بەلدەۋلەرiنىڭ ەلەكتروندىق دەرەكقورىن جۇرگىزۋ;
20) قازاقستان رەسپۋبليكاسىنداعى ەلەكتروماگنيتتىك جاعدايدى كورسەتەتىن راديوجيىلىك سپەكترىنىڭ رەسپۋبليكالىق دەرەكقورىن جۇرگىزۋ;
21) قازاقستان رەسپۋبليكاسى زاڭدارىنىڭ, قازاقستان رەسپۋبليكاسىنىڭ پرەزيدەنتى جارلىقتارىنىڭ جانە قازاقستان رەسپۋبليكاسىنىڭ ۇكىمەتى قاۋلىلارىنىڭ تالاپتارىن ساقتاۋ تۇرعىسىنا بايلانىس سالاسىنداعى باقىلاۋدى جۇزەگە اسىرۋ;
22) ۋاكىلەتتى ورگان ۇلتتىق پوشتا وپەراتورىنىڭ پوشتا بايلانىسى قىزمەتتەرىن جۇزەگە اسىرۋى كەزىندە ونىڭ قازاقستان رەسپۋبليكاسىنىڭ قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى زاڭناماسىن ساقتاۋىن باقىلاۋدى جۇزەگە اسىرۋعا قاتىسۋ;
23) پوچتا بايلانىسى قىزمەتتەرىن كورسەتۋ جونىندەگى قازاقستان رەسپۋبليكاسىنىڭ زاڭناماسىن ساقتاۋىن باقىلاۋدى جۇزەگە اسىرۋ;
24) قازاقستان رەسپۋبليكاسىنىڭ ليتسەنزيالاۋ تۋرالى زاڭناماسىنا سايكەس ليتسەنزيالانۋعا ءتيىس قىزمەتتىڭ جەكەلەگەن تۇرلەرىن ليتسەنزيالاۋدى جۇزەگە اسىرۋ;
25) بايلانىس سالاسىندا تەحنيكالىق رەگلامەنتتەردى ازىرلەۋ;
26) پوچتا تولەمى بەلگىلەرىنىڭ مەملەكەتتىك كوللەكتسياسىن قالىپتاستىرۋ;
27) ۇلتتىق پوچتا وپەراتورىنىڭ ۇسىنىسى بويىنشا قازاقستان رەسپۋبليكاسىنىڭ اۋماعىندا پوچتا بايلانىسىنىڭ وندىرىستىك وبەكتىلەرىنە پوچتالىق يندەكستەر بەرۋدى جۇزەگە اسىرۋ;
28) «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» قازاقستان رەسپۋبليكاسىنىڭ زاڭىنا سايكەس مىندەتتى ۆەدومستۆولىق ەسەپتىلىكتىڭ, تەكسەرۋ پاراقتارىنىڭ نىساندارىن, تاۋەكەل دارەجەسىن باعالاۋ كريتەريلەرىن, جارتىجىلدىق تەكسەرۋ جوسپارلارىن ازىرلەۋدى جۇزەگە اسىرۋ;
29) راديوەلەكتروندىق قۇرالداردى, جوعارى جيىلىكتى قۇرىلعىلاردى تىركەۋ جانە پايدالانۋ, سونداي-اق شەتەلدەن اكەلۋ قاعيدالارىن ازىرلەۋ;
30) بايلانىس سالاسىندا قىزمەتتەر كورسەتۋ جونىندەگى قىزمەتتى جۇزەگە اسىرۋعا قويىلاتىن بىلىكتىلىك تالاپتارىن جانە ءوتىنىش بەرۋشىنىڭ سايكەستىگىن راستايتىن قۇجاتتار تىزبەسىن ازىرلەۋ.»;
14 – تارماق جاڭا رەداكتسيادا جازىلسىن:
«14. مىندەتتەرى: اقپاراتتاندىرۋ جانە «ەلەكتروندىق ۇكىمەت» سالاسىنداعى مەملەكەتتىك ساياساتتى ىسكە اسىرۋ جانە قىزمەتتى مەملەكەتتىك رەتتەۋ;
فۋنكتسيالارى:
1) اقپاراتتاندىرۋ سالاسىنداعى ستاندارتتاۋ جانە سايكەستىكتى راستاۋ جونىندەگى جۇمىستارعا قاتىسۋ;
2) اقپاراتتاندىرۋ سالاسىنداعى ينۆەستيتسيالىق جوبالاردىڭ ازىرلەنۋىن ۇيىمداستىرۋ, اقپاراتتاندىرۋ سالاسىن دامىتۋدىڭ جانە جەتىلدىرۋىنىڭ نەگىزگى باعىتتارى مەن باسىمدىلىقتارىن جۇزەگە اسىرۋ, ونىڭ قولدانۋ ساپاسىن, قول جەتىمدىلىگىن جانە تۇراقتىلىعىن ارتتىرۋ;
3) ينۆەستيتسيالار تارتۋ جۇيەسىن جانە اقپاراتتاندىرۋ سالاسىنداعى ينۆەستيتسيالىق جوبالاردى ازىرلەۋ مەن ىسكە اسىرۋدى ىنتالاندىرۋ تەتىكتەرىن جەتىلدىرۋدى جۇزەگە اسىرۋ;
4) قازاقستان رەسپۋبليكاسىنىڭ اقپاراتتىق جۇيەلەرىن جانە ەلەكتروندىق اقپاراتتىق رەسۋرستاردى تىركەۋدى جۇزەگە اسىرۋ;
5) بيۋدجەت قاراجاتى ەسەبىنەن جاسالاتىن جانە (نەمەسە) ساتىپ الىناتىن مەملەكەتتىك اقپاراتتىق جۇيەلەردىڭ, اپپاراتتىق-باعدارلامالىق كەشەننىڭ تەحنيكالىق قۇجاتتاما (تەحنيكالىق تاپسىرما, تەحنيكالىق-ەكونوميكالىق نەگىزدەمە, تەحنيكالىق ەرەكشەلىك) تالاپتارىنا سايكەستىگىن باقىلاۋدى جۇزەگە اسىرۋ;
6) ورتالىق مەملەكەتتىك ورگانداردىڭ جانە وبلىستار, رەسپۋبليكالىق ماڭىزى بار قالالار مەن استانا اكىمدىكتەرىنىڭ, سونداي-اق حالىققا قىزمەت كورسەتۋ ورتالىقتارىنىڭ ينتەرنەت-رەسۋرستارىنىڭ جۇمىس ىستەۋىن جانە مەملەكەتتىك قىزمەتتەر كورسەتۋدىڭ اۆتوماتتاندىرىلۋىن باقىلاۋدى جۇزەگە اسىرۋ;
7) مەملەكەتتىك اقپاراتتىق جۇيەلەرمەن ىقپالداستىرىلعان مەملەكەتتىك اقپاراتتىق جانە مەملەكەتتىك ەمەس جۇيەلەردىڭ اقپاراتتىق قاۋىپسىزدىك تالاپتارى مەن ستاندارتتارعا سايكەستىگىن اتتەستاتتاۋ;
8) مەملەكەتتىك اقپاراتتىق جۇيەلەردى پايدالانۋعا (ونەركاسىپتىك پايدالانۋعا) قابىلداۋ جونىندەگى ءىس-شارالارعا قاتىسۋ;
9) قازاقستان رەسپۋبليكاسىنىڭ نەگىزگى كۋالاندىرۋشى ورتالىعىنىڭ, قازاقستان رەسپۋبليكاسى مەملەكەتتىك ورگاندارىنىڭ كۋالاندىرۋشى ورتالىعىنىڭ جانە ۇلتتىق كۋالاندىرۋشى ورتالىعىنىڭ تىركەۋ كۋالىكتەرىن بەرۋ, ساقتاۋ, قايتارىپ الۋ جانە ەلەكتروندىق تسيفرلىق قولتاڭبانىڭ اشىق كىلتىنىڭ تيەسىلىلىگى مەن دۇرىستىعىن راستاۋ قاعيدالارىن ازىرلەۋ;
10) بيۋدجەت قاراجاتى ەسەبىنەن جاسالاتىن جانە (نەمەسە) ساتىپ الىناتىن اقپاراتتىق رەسۋرستار مەن اقپاراتتىق جۇيەلەردىڭ, ونىڭ ىشىندە ولارعا ەنگىزىلەتىن وزگەرىستەردىڭ تەحنيكالىق-ەكونوميكالىق نەگىزدەمەسىنە, تەحنيكالىق ەرەكشەلىگىنە جانە تەحنيكالىق تاپسىرماسىنا ساراپتاما جۇرگىزۋ;
11) تىركەۋ ورىندارىن ايقىنداۋ, ينتەرنەت جەلىسىنىڭ قازاقستاندىق سەگمەنتىنىڭ دومەندىك كەڭىستىگىن تىركەۋ, پايدالانۋ جانە ءبولۋ ءتارتىبىن ازىرلەۋ;
12) جىلىنا كەمىندە ءبىر رەت دەپوزيتاري جۇرگىزۋدى تەكسەرۋ;
13) ەلەكتروندىق اقپاراتتىق رەسۋرستار مەن اقپاراتتىق جۇيەلەردىڭ مەملەكەتتىك ءتىزىلىمىن جۇرگىزۋدى قامتاماسىز ەتۋ;
14) قازاقستان رەسپۋبليكاسى زاڭدارىنىڭ, قازاقستان رەسپۋبليكاسىنىڭ پرەزيدەنتى جارلىقتارىنىڭ جانە قازاقستان رەسپۋبليكاسىنىڭ ۇكىمەتى قاۋلىلارىنىڭ تالاپتارىن ساقتاۋ تۇرعىسىنا اقپاراتتاندىرۋ سالاسىنداعى باقىلاۋدى جۇزەگە اسىرۋ;
15) ەلەكتروندىق قۇجات جانە ەلەكتروندىق تسيفرلىق قولتاڭبا تۋرالى قازاقستان رەسپۋبليكاسىنىڭ زاڭدارىن جانە قازاقستان رەسپۋبليكاسى ۇكىمەتىنىڭ قاۋلىلارىن ساقتاۋ تۇرعىسىنان ەلەكتروندىق قۇجات جانە ەلەكتروندىق تسيفرلىق قولتاڭبا سالاسىنداعى باقىلاۋدى جۇزەگە اسىرۋ;
16) اقپاراتتاندىرۋ سالاسىندا تەحنيكالىق رەگلامەنتتەردى ازىرلەۋ;
17) مەملەكەتتىك ورگانداردىڭ ينتەرنەت-رەسۋرستارىن باعالاۋ ادىستەمەسىن ازىرلەۋ;
18) مەملەكەتتىك ورگانداردىڭ ەلەكتروندىق اقپاراتتىق رەسۋرستارىن جانە اقپاراتتىق جۇيەلەرىن, سونداي-اق اقپاراتتىق-كوممۋنيكاتسيالىق جەلىلەرىن پايدالانۋ جانە ولاردىڭ ءوزارا ءىس-قيمىل جاساۋ قاعيدالارىن ازىرلەۋ;
19) ۇلتتىق ەلەكتروندىق اقپاراتتىق رەسۋرستاردى جانە ۇلتتىق اقپاراتتىق جۇيەلەردى, اقپاراتتىق-كوممۋنيكاتسيالىق جەلىلەردى قالىپتاستىرۋ جانە ولاردىڭ جۇمىس ىستەۋ ءتارتىبىن ازىرلەۋ;
20) اقپاراتتىق جۇيەلەرگە, اقپاراتتاندىرۋ سالاسىنداعى ينۆەستيتسيالىق جوبالارعا سونداي-اق حالىققا قىزمەت كورسەتۋ ورتالىقتارىنىڭ ماسەلەلەرى بويىنشا اۋديت جۇرگىزۋ ءتارتىبىن ازىرلەۋ;
21) كۋالاندىرۋشى ورتالىقتىڭ ۇلگى ەرەجەسىن ازىرلەۋ;
22) باقىلاۋ-كاسسالىق ماشينالاردىڭ مەملەكەتتىك تىزىلىمىنە ەنگىزۋ ءۇشىن كومپيۋتەرلىك جۇيەنىڭ تەحنيكالىق تالاپتارعا سايكەستىگى تۋرالى قورىتىندىلار بەرۋ قاعيدالارىن ازىرلەۋ;
23) قازاقستان رەسپۋبليكاسىنىڭ سەنىم بىلدىرىلگەن ءۇشىنشى تاراپىنىڭ شەتەلدىك ەلەكتروندىق تسيفرلىق قولتاڭباسىنىڭ تۇپنۇسقالىعىن راستاۋ قاعيدالارىن ازىرلەۋ.»;
16 – تارماق جاڭا رەداكتسيادا جازىلسىن:
«16. مىندەتتەرى: تابيعي مونوپوليالار سالاسىندا جانە تەلەكوممۋنيكاتسيا مەن پوچتا بايلانىسىنىڭ امبەباپ قىزمەتتەرى سالاسىنداعى رەتتەلەتىن نارىقتاردا مەملەكەتتىك ساياساتتى ىسكە اسىرۋ مەن مەملەكەتتىك رەتتەۋ جانە باقىلاۋ.
فۋنكتسيالارى:
1) تابيعي مونوپوليالار جانە تەلەكوممۋنيكاتسيا سالاسىندا مەن پوچتا بايلانىسىنىڭ امبەباپ قىزمەتتەرى سالاسىندا جانە رەتتەلەتىن نارىقتاردا رەتتەۋ مەن باقىلاۋعا قاتىسۋ;
2) قازاقستان رەسپۋبليكاسىنىڭ زاڭناماسىنا سايكەس تەلەكوممۋنيكاتسيا جانە پوچتا بايلانىسى قىزمەتتەرى نارىعىندا باسىم (مونوپوليالىق) جاعدايداعى نارىق سۋبەكتىلەرىنىڭ تاۋارلارىنا (جۇمىستارىنا, قىزمەتتەرىنە) باعالاردى مەملەكەتتىك رەتتەۋگە قاتىسۋ;
3) تەلەكوممۋنيكاتسيا جانە پوچتا بايلانىسى سالاسىنداعى نارىق سۋبەكتىلەرىنىڭ تاۋارلارعا (جۇمىستارعا, كورسەتىلەتىن قىزمەتتەرگە) جانە ينفراقۇرىلىمعا كەمسىتۋشىلىكسىز قول جەتكىزۋىن قامتاماسىز ەتۋ ماقساتىندا تاۋار نارىقتارىنا تالداۋ جۇرگىزۋ;
4) تەلەكوممۋنيكاتسيانىڭ امبەباپ قىزمەتتەرىنە تاريفتەردى (باعالاردى, الىم مولشەرلەمەلەرىن) بەكىتۋ;
5) قازاقستان رەسپۋبليكاسىنىڭ ۇكىمەتى ايقىندايتىن تارتىپپەن قازاقستان رەسپۋبليكاسىنىڭ ۋاكىلەتتى مەملەكەتتىك ورگاندارىنىڭ, اسكەري باسقارۋ, ۇلتتىق قاۋىپسىزدىك جانە ىشكى ىستەر ورگاندارىنىڭ مۇقتاجدىقتارى ءۇشىن تەحنيكالىق قۇرالداردى ورنالاستىرۋعا قاجەتتى بايلانىس جەلىلەرى مەن ارنالارىن, كابەلدىك كارىزدەردەگى ارنالار مەن الاڭداردى بەرۋ باعالارىن (تاريفتەرىن) رەتتەۋگە قاتىسۋ;
6) تەلەكوممۋنيكاتسيا جانە پوچتا بايلانىسىنىڭ امبەباپ قىزمەتتەرى سالاسىنداعى تابيعي مونوپوليالار سالالارىندا ءتاريفتى (باعالاردى, الىم مولشەرلەمەلەرىن) بەكىتۋ;
7) تەلەكوممۋنيكاتسيالار جانە پوشتا بايلانىسىنىڭ امبەباپ كورسەتىلەتىن قىزمەتتەرى سالاسىندا رەتتەلiپ كورسەتiلەتiن قىزمەتتەردىڭ (تاۋارلاردىڭ, جۇمىستاردىڭ) ءاربىر ءتۇرى بويىنشا كىرىستەردى جانە شىعىنداردى, قولدانىستاعى اكتيۆتەردى بولەك ەسەپكە الۋدى جۇرگىزۋ ءتارتىبىن ازىرلەۋ;
8) تەلەكوممۋنيكاتسيا جەلىلەرى مەن قۇرالدارىنىڭ تەحنيكالىق ۇيلەسىمدىلىگىن قامتاماسىز ەتەتىن نورمالاردى, بايلانىس قىزمەتتەرىنىڭ ساپا كورسەتكىشتەرىن, تاريفتەۋ بىرلىكتەرى مولشەرلەرىن بەكىتۋ;
9) تەلەكوممۋنيكاتسيا جانە پوشتا بايلانىسىنىڭ امبەباپ كورسەتىلەتىن قىزمەتتەرى سالاسىنداعى تابيعي مونوپوليالار سۋبەكتىلەرىنىڭ شيكىزات, ماتەريالدار, وتىن, ەنەرگيا شىعىستارىنىڭ تەحنيكالىق جانە تەحنولوگيالىق نورمالارىن ازىرلەۋ;
10) تەلەكوممۋنيكاتسيا جانە پوچتا بايلانىسى سالاسىنداعى تابيعي مونوپوليالار سۋبەكتىلەرى پەرسونالىنىڭ نورماتيۆتىك سانىن بەكىتۋ;
11) جارعىلىق كاپيتالىنا مەملەكەت جانە ولارمەن ۇلەستەس تۇلعالار قاتىساتىن زاڭدى تۇلعالار بولىپ تابىلاتىن تەلەكوممۋنيكاتسيا جانە پوچتا بايلانىسى سالاسىنداعى تابيعي مونوپوليالار سۋبەكتىلەرىنىڭ شتات كەستەسىن بەلگىلەنگەن تارتىپپەن كەلىسۋدى جۇزەگە اسىرۋ;
12) جارعىلىق كاپيتالىنا مەملەكەت جانە ولارمەن ۇلەستەس تۇلعالار قاتىساتىن زاڭدى تۇلعالار بولىپ تابىلاتىن تەلەكوممۋنيكاتسيا جانە پوچتا بايلانىسى سالاسىنداعى تابيعي مونوپوليالار سۋبەكتىلەرىنىڭ اكىمشىلىك پەرسونالىنىڭ باسشى قىزمەتكەرلەرىنە ەڭبەكاقى تولەۋدىڭ شەكتى دەڭگەيىن بەلگىلەنگەن تارتىپپەن كەلىسۋدى جۇزەگە اسىرۋ;
13) تەلەكوممۋنيكاتسيا جانە پوچتا بايلانىسى سالاسىنداعى تابيعي مونوپوليالار سۋبەكتىلەرىنىڭ نەگىزگى قۇرالدارى قۇنىنىڭ وسۋىنە اكەلمەيتىن اعىمداعى جانە كۇردەلى جوندەۋ مەن باسقا دا قالپىنا كەلتىرۋ-جوندەۋ جۇمىستارىنا باعىتتالعان شىعىنداردىڭ جىلدىق سمەتاسىن كەلىسۋدى جۇزەگە اسىرۋ;
14) تەلەكوممۋنيكاتسيا جانە پوچتا بايلانىسى سالاسىنداعى رەتتەلەتىن نارىق سۋبەكتىلەرىنىڭ باعا بەلگىلەۋىن باقىلاۋ;
15) تەلەكوممۋنيكاتسيا جانە پوچتا بايلانىسى سالاسىنداعى رەتتەلەتىن نارىق سۋبەكتىلەرىنىڭ باعالاۋ مونيتورينگىسىن جۇزەگە اسىرۋ.»;
17 – تارماق جاڭا رەداكتسيادا جازىلسىن:
«17. مىندەتتەرى: تەلەراديو حابارلارىن تاراتۋ سالاسىنداعى مەملەكەتتىك ساياساتتى ىسكە اسىرۋ جانە قىزمەتتى مەملەكەتتىك رەتتەۋ;
فۋنكتسيالارى:
1) تەلەراديو حابارلارىن تاراتۋ ماقساتتارى ءۇشىن جيىلىكتەردىڭ بەلدەۋلەرىن, راديوجيىلىكتەردى (راديوجيىلىك ارنالارىن) ءبولۋ بويىنشا كونكۋرستار ۇيىمداستىرۋ جانە وتكىزۋ;
2) مىندەتتى تەلە-, راديوارنالاردىڭ تىزبەسىن قالىپتاستىرۋ بويىنشا كونكۋرستار ۇيىمداستىرۋ جانە وتكىزۋ;
3) تەلەراديو حابارلارىن تاراتۋدىڭ ۇلتتىق وپەراتورى تاراتاتىن ەركىن قولجەتىمدى تەلە-, راديوارنالاردىڭ تىزبەسىن قالىپتاستىرۋ بويىنشا كونكۋرستار ۇيىمداستىرۋ جانە وتكىزۋ;
4) قازاقستان رەسپۋبليكاسىنىڭ اۋماعىندا تارالاتىن شەتەلدىك تەلە-, راديوارنالاردى ەسەپكە قويۋدى, قايتا ەسەپكە قويۋدى جۇزەگە اسىرۋ;
5) تەلەراديو حابارلارىن تاراتۋدى دامىتۋ ماسەلەلەرى جونىندەگى كوميسسيا قۇرامىنا ەرەجەلەر ازىرلەۋ جانە ۇسىنىس ەنگىزۋ;
6) وتاندىق تەلە-, راديوارنالاردى ەسەپكە قويۋدى, قايتا ەسەپكە قويۋدى جۇزەگە اسىرۋ;
7) تسيفرلىق ەفيرلىك تەلەراديو حابارلارىن تاراتۋ بولىگىندە تەلەراديو حابارلارىن تاراتۋشى ۇلتتىق وپەراتوردىڭ قىزمەتىن ۇيلەستىرۋ;
8) مەملەكەتتىك تەحنيكالىق قىزمەتتىڭ جۇمىسىن ۇيلەستىرۋ;
9) قازاقستان رەسپۋبليكاسىنىڭ ليتسەنزيالاۋ تۋرالى زاڭناماسىنا سايكەس ليتسەنزيالانۋعا ءتيىس قىزمەتتىڭ جەكەلەگەن تۇرلەرىن ليتسەنزيالاۋدى جۇزەگە اسىرۋ;
10) تەلەراديو حابارلارىن تاراتۋ جانە بايلانىس سالاسىندا قىزمەتتەر كورسەتۋدى جۇزەگە اسىراتىن سۋبەكتىلەرگە قويىلاتىن بىلىكتىلىك تالاپتارىن ازىرلەۋ;
11) تەلەراديو حابارلارىن تاراتۋ ساپاسىنىڭ تەحنيكالىق سيپاتتامالارىنىڭ جانە ۇلتتىق تەلەراديو حابارلارىن تاراتۋ ستاندارتتارىنىڭ ساقتالۋىن باقىلاۋدى جۇزەگە اسىرۋ;
12) تەلەراديو حابارلارىن تاراتۋ قۇرالدارىنا قويىلاتىن تەحنيكالىق تالاپتاردى ساقتاۋ بولىگىندەگى قازاقستان رەسپۋبليكاسىنىڭ تەلەراديو حابارلارىن تاراتۋ سالاسىنداعى زاڭناماسىنىڭ ساقتالۋىنا باقىلاۋدى جۇزەگە اسىرۋ;
13) قازاقستان رەسپۋبليكاسىنىڭ زاڭناماسىنا سايكەس تەلەراديو حابارلارىن تاراتۋ سالاسىنداعى قازاقستان رەسپۋبليكاسى زاڭناماسىنىڭ ساقتالۋىنا باقىلاۋدى جۇزەگە اسىرۋ;
14) مىندەتتى تەلە-, راديوارنالاردىڭ تىزبەسىن قالىپتاستىرۋ بويىنشا كونكۋرس وتكىزۋ قاعيدالارىن ازىرلەۋ;
15) تەلەراديو حابارلارىن تاراتۋدىڭ ۇلتتىق وپەراتورى تاراتاتىن ەركىن قولجەتىمدى تەلە-, راديوارنالاردىڭ تىزبەسىن قالىپتاستىرۋ بويىنشا كونكۋرس وتكىزۋ قاعيدالارىن ازىرلەۋ;
16) تەلەراديو حابارلارىن تاراتۋ ماقساتى ءۇشىن جيىلىك بەلدەۋلەرىن, راديوجيىلىكتى (راديوجيىلىك ارنالارىن) ءبولۋ قاعيدالارىن ازىرلەۋ.»;
18 – تارماق جاڭا رەداكتسيادا جازىلسىن:
«18. مىندەتتەرى: ءوز قۇزىرەتى شەڭبەرىندە مەملەكەتتىك قىزمەت كورسەتۋ سالاسىنداعى مەملەكەتتىك ساياساتتى ىسكە اسىرۋ.
فۋنكتسيالارى:
1) حالىققا قىزمەت كورسەتۋ ورتالىقتارىنىڭ قىزمەتىن ۇيىمداستىرۋ;
2) حالىققا قىزمەت كورسەتۋ ورتالىقتارىنىڭ قىزمەتىن جانە ولاردىڭ كورسەتىلەتىن قىزمەتتى بەرۋشىلەرمەن ءوزارا ءىس-قيمىلىن ۇيلەستىرۋ;
3) حالىققا قىزمەت كورسەتۋ ورتالىقتارىنىڭ قىزمەتىن ادىسنامالىق قامتاماسىز ەتۋدى جۇزەگە اسىرۋ;
4) مەملەكەتتىك قىزمەتتەر كورسەتۋ ماسەلەلەرى جونىندەگى بىرىڭعاي بايلانىس ورتالىعىنىڭ جۇمىسىن ۇيىمداستىرۋ جانە ۇيلەستىرۋ;
5) مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ قاعيدالارىن ازىرلەۋ;
6) مەملەكەتتىك كورسەتىلەتىن قىزمەتتەردىڭ ستاندارتتىن جانە رەگلامەنتىن ازىرلەۋ;
7) مەملەكەتتىك قىزمەتتەر كورسەتۋ ماسەلەلەرى جونىندەگى بىرىڭعاي بايلانىس-ورتالىعى قىزمەتىنىڭ قاعيدالارىن ازىرلەۋ;
8) مەملەكەتتىك قىزمەتتەر كورسەتۋ ماسەلەلەرى جونىندەگى بىرىڭعاي بايلانىس-ورتالىعىنىڭ ورتالىق مەملەكەتتىك ورگاندارمەن, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالانىڭ جەرگىلىكتى اتقارۋشى ورگاندارىمەن, قالاداعى اۋدانداردىڭ, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدەرىمەن, سونداي-اق كورسەتىلەتىن قىزمەتتى بەرۋشىلەرمەن ءوزارا ءىس-قيمىل جاساۋ قاعيدالارىن ازىرلەۋ;
9) ءبىر ءوتىنىش نەگىزىندە ەلەكتروندىق نىساندا كورسەتىلەتىن مەملەكەتتىك قىزمەتتەر تىزبەسىن ازىرلەۋ;
10) اۆتوماتتاندىرىلۋعا جاتاتىن جانە جاتپايتىن رۇقساتتار تىزبەسىن بەكىتۋ تۋرالى رۇقساتتار جانە حابارلامالار سالاسىنداعى ۋاكىلەتتى ورگانمەن بىرلەسكەن بۇيرىقتى بەكىتۋ;
11) رۇقساتتار جانە حابارلامالار سالاسىنداعى ۋاكىلەتتى ورگانمەن بىرلەسىپ, رۇقساتتار مەن حابارلامالاردىڭ مەملەكەتتىك اقپاراتتىق جۇيەسىنىڭ جۇمىس ىستەۋ قاعيدالارىن بەكىتۋ;
12) رۇقساتتار مەن حابارلامالاردىڭ مەملەكەتتىك ەلەكتروندىق ءتىزىلىمىن جۇرگىزۋ قاعيدالارىن ازىرلەۋ, رۇقساتتار جانە حابارلامالار سالاسىنداعى ۋاكىلەتتى ورگانمەن كەلىسۋ;
13) حالىققا قىزمەت كورسەتۋ ورتالىقتارى قىزمەتىنىڭ قاعيدالارىن ازىرلەۋ;
14) حالىققا قىزمەت كورسەتۋ ورتالىقتارى ارقىلى كورسەتۋگە جاتاتىن مەملەكەتتىك كورسەتىلەتىن قىزمەتتەردى ىرىكتەۋ قاعيدالارىن ازىرلەۋ;
15) وڭتايلاندىرۋعا جانە اۆتوماتتاندىرۋعا جاتاتىن مەملەكەتتىك كورسەتىلەتىن قىزمەتتەردىڭ تىزبەسىن جانە ولاردى ەلەكتروندىق نىسانعا كوشىرۋ مەرزىمدەرىن ازىرلەۋ.»;
27 – تارماق مىناداي مازمۇنداعى 11) تارماقشامەن تولىقتىرىلسىن:
«11) كوميتەتتىڭ قۇقىقتىق باسقارماسىنا جەتەكشىلىك ەتەدى.»;
32 – تارماق مىناداي رەداكتسيادا جازىلسىن:
«32. كوميتەتتىڭ قاراماعىنداعى ايماقتىق ورگانداردىڭ تىزبەسى وسى ەرەجەنىڭ 1 – قوسىمشاسىندا كەلتىرىلگەن.»;
مىناداي مازمۇنداعى 32-1 - تارماقپەن تولىقتىرىلسىن:
«32-1 قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتىنىڭ قاراماعىنداعى مەكەمەلەر تىزبەسى وسى ەرەجەنىڭ 2 – قوسىمشاسىندا كەلتىرىلگەن.»;
قوسىمشانىڭ جوعارعى وڭ جاق بۇرىشىنداعى ءماتىن مىناداي رەداكتسيادا جازىلسىن:
«قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتى» رەسپۋبليكالىق مەملەكەتتىك مەكەمەسىنىڭ ەرەجەسىنە № 1 قوسىمشا»;
وسى بۇيرىققا قوسىمشاعا سايكەس 2 – قوسىمشامەن تولىقتىرىلسىن.».
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتى (س.س. سارسەنوۆ):
1) وسى بۇيرىقتىڭ زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا كوشىرمەسىن جىبەرۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2 - تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترىنىڭ مىندەتىن اتقارۋشى ا.راۋ.
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2015 جىلعى 28 مامىرداعى №605 بۇيرىعىنا قوسىمشا
«قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتى» رەسپۋبليكالىق مەملەكەتتىك مەكەمەسىنىڭ ەرەجەسىنە № 2 قوسىمشا
بايلانىس, اقپاراتتاندىرۋ جانە اقپارات كوميتەتى قاراماعىنداعى مەكەمەلەر تiزبەسi
1. رەسپۋبليكالىق مەملەكەتتiك كاسiپورىندار:
1) قازاقستان رەسپۋبليكاسى ينۆەستيتسيالار جانە دامۋ مينيسترلىگى بايلانىس, اقپاراتتاندىرۋ جانە اقپارات كوميتەتىنىڭ «مەملەكەتتىك تەحنيكالىق قىزمەت» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى;
2) قازاقستان رەسپۋبليكاسى ينۆەستيتسيالار جانە دامۋ مينيسترلىگى بايلانىس, اقپاراتتاندىرۋ جانە اقپارات كوميتەتىنىڭ «حالىققا قىزمەت كورسەتۋ ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى;
3) قازاقستان رەسپۋبليكاسى ينۆەستيتسيالار جانە دامۋ مينيسترلىگى بايلانىس, اقپاراتتاندىرۋ جانە اقپارات كوميتەتىنىڭ «تالداۋ جانە اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى.
2. اكتسيونەرلىك قوعامدار:
1) «زەردە» ۇلتتىق ينفوكوممۋنيكاتسيالىق حولدينگى» اكتسيونەرلىك قوعامى;
2) «حابار» اگەنتتىگى» اكتسيونەرلىك قوعامى;
3) «قازاقستان» رەسپۋبليكالىق تەلەراديوكورپوراتسياسى» اكتسيونەرلىك قوعامى;
4) «ەگەمەن قازاقستان» رەسپۋبليكالىق گازەتى» اكتسيونەرلىك قوعامى;
5) «كازاحستانسكايا پراۆدا» رەسپۋبليكالىق گازەتى» اكتسيونەرلىك قوعامى;
6) «كازكونتەنت» اكتسيونەرلىك قوعامى.
3. جاۋاپكەرشىلىگى شەكتەۋلى سەرىكتەستىكتەر
1) «قازمەديا ورتالىعى» باسقارۋشى كومپانياسى» جاۋاپكەرشىلىگى شەكتەۋلى سەرىكتەستىگى;
2) «جاس وركەن» جاۋاپكەرشىلىگى شەكتەۋلى سەرىكتەستىگى;
3) «قازاق گازەتتەرى» جاۋاپكەرشىلىگى شەكتەۋلى سەرىكتەستىگى;
4) «جالىن» جۋرنالى» جاۋاپكەرشىلىگى شەكتەۋلى سەرىكتەستىگى;
5) «قازاقپارت» حالىقارالىق اقپاراتتىق اگەنتتىگى» جاۋاپكەرشىلىگى شەكتەۋلى سەرىكتەستىگى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 30 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11498 بولىپ ەنگىزىلدى.